Gjykata e Durrësit ka caktuar masën e sigurisë “Arrest me burg” për ish-drejtuesin e Kadastrës së Durrësit, Ardian Kona, i cili u ndalua të mërkurën për regjistrimin e një prone 13 mijë metra katrorë në Lalëz.

52-vjeçari u ndalua të mërkurën nën dyshimet nga organi i akuzës se ka regjistruar pronën me dokumente të falsifikuara.

Gjithashtu në kërkim janë shpallur dhe 2 zyrtarë të tjerë të Kadastrës, të cilët akuzohen për veprën penale të Shpërdorimit të detyrës.

Ata janë shtetasit B. Z., 42 vjeç, me detyrë jurist në ASHK Durrës dhe L. D., hartografi i Kadastrës.

Në kërkim u shpall dhe përfituesi i pronës, shtetasja me iniciale A. D., 44 vjeçe, banuese në Tiranë.

Nga hetimi i nisur në vitin 2024, rezultoi se përfituesja e pronës, në bashkëpunim me drejtorin dhe 2 punonjësit e Kadastrës së Durrësit, kanë regjistruar një sipërfaqë 12.900 m2 pa asnjë dokument ligjor, pasuri kjo e ndodhur në Lalëz Durrës, e cila më parë ka qenë pasuri me status “shtet”.

LEXONI GJITHASHTU:

• Arrestohet ish-drejtori i kadastrës në Durrës, në kërkim 2 zyrtarë
• Ish-deputeti i Partisë Socialiste paraqitet në SPAK