Fama, dashuria, biznesi| Rita Petro: Nuk kam bërë kompromise të ulëta në jetë!

Botuesja Rita Petro është shprehur se në jetë nuk ka bërë kompromise të ulëta, për të arritur më shumë në biznes, apo për të blerë dashurinë me para.

Komentet Petro i bëri në emisionin “Interview” në Euronews Albania, ku tha se shumë herë teksa drejtonte biznesin e saj ka marrë oferta korruptive, në mënyrë që të ngrihej më shpejt.

Ajo tha se i ka refuzuar këto oferta dhe ka qenë e vendosur që gjithçka ta arrinte me forcat e veta.

Petro shtoi se duke i dhënë prioritet disa gjërave në jetë, herë pas here ka lënë pas dore gjëra të tjera, pasi mundësia ishte e tillë, që të mos i përkushtohej dot barabartë të gjithave.

“Në faza të ndryshme i kam dhënë prioritet disa gjërave dhe kam lënë pas dore gjëra të tjera. Përshembull kur u ngrit biznesi, vajza ime ka pasur të drejtë të më thotë ‘ti nuk ishe shumë me mua’. Pavarësisht se ajo është rritur në zyrat e librit, por nuk ka ndjerë aromën e gjellës, të gatimit, që çdo fëmijë e dashuron nga mamaja e vet.

Pra dashuria ishte e para dhe mua më frymëzon, por kur ti i jepesh me mish e me shpirt edhe biznesit, edhe ajo dashuria sikur fillon edhe harron, e lënë pas dore. Pastaj kur u krijua shtëpia botuese, unë doja të mos merresha shumë me art. E lash pas dore poezinë dhe fillova botoja libra njëherë në 7-8 vite. Por ato ishin libra me shpërthime të mëdha. Unë siduket brenda vetes e ndieja, megjithëse biznesin e kam bërë me qejf, se prapë ka qenë me librin shkollor, por e lash pas dore.

Tani i jam vënë më shumë pjesës si shkrimtare, lëvizje. Tani mund të kem lënë pas dore disa gjëra, që i rrija shumë biznesit te koka. Por ajo që është e rëndësishme, kompromise të ulëta unë nuk i kam bërë ndonjëherë. Qoftë në lidhje me krijimtarinë, qoftë në lidhje me dashurinë.

Sepse edhe dashuria ndonjëherë blihet me para. Edhe dashuria edhe pjesa e biznesit që t’i të arrish majat, bund të blihet me para, me korrupsion. Gjithmonë të oftohet pjesa e korrupsionit. Kemi përballuar situata të vështira, duke mos qenë afër asnjë krahu politik”, tha Petro.

LEXONI GJITHASHTU:

• Rita Petro: Personi që tradhton disa herë partnerin ka varësi
• Rita Petro: Mos i lejoni shamitë, shteti është laik