Familjarët e viktimave të cilët humbën jetën pas zjarrit në një diskotekë në Maqedoninë e Veriut, refuzojnë që trupat e të ndjerëve ti ushtrohen autopsisë.
Ata kanë bllokuar hyrje-daljet e spitalit kryesor në Koçan për të mos lejuar heqjen e trupave të fëmijëve të tyre që duhet të dërgohen për obduksion. Ata kanë bllokuar me makina rrugën, ndërsa janë shprehur se nuk mund të lejojnë që fëmijët e tyre të vriten për së dyti.
“Duhet të na vrisni ne që të bëni autopsi fëmijët tanë. Nuk mund ti vrisni për herë të dytë”,-janë shprehur prindërit e viktimave.
Një vajze e re shprehet për Euronews Albania se miq të saj kanë humbur jetën në zjarrin në diskotekë. Ajo tregon se njëri prej tyre ishte vetëm 14-vjeç, ndërsa shton se në diskotekë pas orës dy të natës mund të futej kushdo edhe nën moshën 18 vjeç.
Gazetari: Sa vjeçe je?
Vajza nga RMV: Jam 14 vjeçe. Shokët e mi dhe njerëz të mi të afërt kanë mbetur të vrarë.
Gazetari: A është e vërtet se mund të futeshe nën moshën 18 në diskotekë?
Vajza nga RMV: Po. Njëri ishte 14-vjeç, nga ata që kanë vdekur.
Gazetari: Po ti ke qenë ndonjëherë atje?
Vajza nga RMV: jo.
Gazetari: Po miqtë e tu?
Vajza nga RMV: Po.
Gazetari: Nuk kërkonin kartë identiteti ose mjet identifikimi?
Vajza nga RMV: Nuk jam e sigurt, por pas orës 1-2 të mëngjesit mund të futeshe.
Gazetari: Çfarë ke dëgjuar sot për tragjedinë?
Vajza nga RMV: Pasi ra zjarr shumë njerëz filluan të vraponin, por shumë kanë vdekur. Disa kanë Gazetari: filmuar. Por shumë njerëz kanë vdekur.
