Farmacitë japin barna pa recetë? Toma: Nuk është e vërtetë. Mungon rregullorja

Farmacitë shpesh vihen nën presionin e kontrolleve, se po japin në kundërshtim me ligjin barna pa recetë.

Përballë kësaj situate presidentja e urdhrit të farmacistit Diana Toma, shprehet se kjo nuk është e vërtet, e gjitha është pasojë e mungesës së rregullores për recetat që do t’ju mundësonte farmacistëve të lëshojnë kopje recete.

“Ne kemi receta të cilat kanë një vlefshmëri edhe 6-mujore, me të njëjtin dokument bën një cikël 3 apo 6 mujor në farmaci të ndryshme apo edhe në të njëjtën, pa pasur një dokumet i cili më pas do ruhet në farmaci për të dokumentuar lëvizjen e barit”,-tha Diana Toma.

Vec kësaj Toma kërkon edhe përditësimin e listës së barnave OTC , të cilat jepen pa recetën e mjekut.

“Deri në 6 tableta ishte OTC dhe mbi 6 tableta ka qenë i përshkruar me recetë. Në këtë formë ti kishe lirshmëri për të zgjidhur problemin imediat, por jo për ta tejkaluar në shtrirje kohore”,-tha Toma.

Toma shprehet se rregullorja për recetën është domosdoshmëri, për shmangur të gjitha abuzimet me të.

LEXONI GJITHASHTU:

• “I bllokuar në bunker”- Kush është udhëheqësi i Hamasit që kërkohet nga Izraeli
• EMRI| U rrëzua nga skela në Gjermani, ndërron jetë edhe shqiptari i pestë