Fation Veizaj la mandatin e deputetit në Vlorë, kush pritet ta zëvendësojë

Ndryshon sërish përbërja e grupit parlamentar të Partisë Demokratike. Deputeti i Vlorës, Fation Veizaj ka dorëzuar mandatin.

Lajmin, Veizaj e bëri me dije në rrjetet sociale, duke trefguar disa prej aryesve që e shtyn drejt këtij vendimi.

Sipas tij, dy vitet e fundit kanë qenë shumë të vështira për të përmbushur mandatin për të cilin ai u votua në 25 prill.

“Për fat të keq, prej një viti e gjysëm, Partia Demokratike nuk po ia del t’i japë fund përçarjes. As lidershipi dhe as deputetët e saj nuk po i përgjigjen interesit të demokratëve për ta bërë atë një forcë udhëheqëse, të respektueshme dhe fituese. Vala e re e përjashtimeve në Partinë Demokratike ishte e tepert. Mund të jetë një vendim taktik në funksion të numrave në grup, por vendimi ul edhe me tepër besueshmërinë dhe seriozitetin për të ardhmen grupimit vendimmarrës.”

Veizaj e mbyll reagimin e tij, duke theksuar se do të mbetet opozitar dhe se do të punojë në mbështetje të kandidatëve të opozitës në zgjedhjet e 14 majit.

Mandatin e Veizajt në Vlorë, pritet ta marrë Gëzim Ademaj që ishte në listën e PD si përfaqësues i partisë aleate, PDIU.

LEXONI GJITHASHTU

• Salianji, kryetar grupi? Kadilli i indinjuar: U përplasën me hu, sot janë bashkë
• Berisha: Vit vendimtar për demokracinë, grupi parlamentar i përkushtuar
• Deputeti i PD në Vlorë lë mandatin