“Faza tjetër ka filluar”- Ministri izraelit paralajmëron sulme edhe në jug të Gazës

Banorët në Gazën jugore thanë se forcat izraelite hodhën fletëpalosje në zona të caktuara, duke i paralajmëruar ata të largoheshin.

Sipas mediave të huaja, fletëpalosjet erdhën pasi ministri i Mbrojtjes i Izraelit, Yoav Gallant, tha se operacioni tokësor përfundimisht do të “përfshijë veriun dhe jugun”.

Sipas burimeve, Izraeli mund të fillojë të përqendrojë sulmet në pjesët jugore të territorit, ku banorëve të Gazës u ishte thënë të iknin gjatë javëve të fundit. Gallant tha sonte “faza tjetër ka filluar”.

Ai pretendon se forcat izraelite kanë pastruar të gjithë pjesën perëndimore të qytetit të Gazës, që shihet si bastion i Hamasit, ndërsa shefi i shtabit të ushtrisë thotë se ata janë afër shkatërrimit të sistemit ushtarak të Hamasit në veri.

“Ne do ta përfundojmë atë,” tha gjeneral-lejtnant Herzi Halevi.

LEXONI GJITHASHTU:

• Lufta në Gaza/ Izraeli: Kemi hapur korridor humanitar për ata që duan të largohen
• SHBA sulmon objektivat iraniane në Siri