Fëmija ngec në dritare dhe rrezikon të bie nga kati i 5-të, e shpëton policia

Një fëmijë 5-vjeç është shpëtuar nga policia e Lushnjës pasi rrezikonte të binte nga kati i 5-të i pallatit ku banonte.

Fëmija kishte ngecur në parvazin e dritares, në një moment që familjarët nuk kishin qenë ne atë dhomë.

Pas telefonatës së marrë nga një qytetar, se fëmija rrezikonte të binte nga pallati, shërbimet e policisë kanë shkuar me urgjencë në vendngjarje dhe kanë mundur ta shpëtojnë atë.

“Rreth orës 13:00, në sallën operative, ka telefonuar një qytetar për të kërkuar ndihmë, pasi në lagjen “Skënder Libohova”, Lushnjë, një fëmijë po rrezikonte të binte nga dritarja e katit të pestë të pallatit.

Menjëherë pas telefonatës, salla operative ka koordinuar veprimet me shërbimet e Patrullës së Përgjithshme që patrullojnë në këtë zonë, të cilat kanë shkuar brenda pak minutash në adresën e dhënë.

Falë ndërhyrjes së menjëhershme të shërbimeve të Policisë është shpëtuar fëmija 5 vjeç që kishte kishte hipur dhe kishte ngecur në parvazin e dritares, në një moment që familjarët nuk kishin qenë ne atë dhomë”,  njofton policia.

LEXONI GJITHASHTU:

• Makina përplaset me zetorin në aksin Lezhë-Shkodër, ndërron jetë shoferi e pasagjeri
• 75-vjeçari gjerman humb jetën në hotelin në Vlorë, dyshimet e para