“Fëmijë i përkëdhelur”, gazetari: Si ushtruan dhunë muxhahedinët në panair në Durrës

Gazetari Gjergji Thanasi tha se organizata e MEK ka qenë si fëmijë i përkëdhelur deri më tani.

Në një intervistë për emisionin “Review” në Euronews Albania, ai theksoi se kohë më parë muxhahedinët ushtruan dhunë ndaj qytetarëve në një panair në Durrës.

Mes të tjerash ai theksoi se në atë kamp ka shumë krime, duke nisur që nga ndërtimet pa leje që janë bërë.

“Organizata e MEK ka qenë si fëmijë i përkëdhelur. Ishin muxhahedinët që në një panair libri në Durrës përdorën dhunë. Nuk shkuam ne në Manzë, erdhën ata në Durrës, thjesht tani kalamanit të përkëdhelur i hoqën biberonin. Policia nuk përdori gazlotsjellës dhe nuk pati asnjë këmbë ushtari në kamp. Aty po të hysh është këmbë dhe krim. Janë 17 ndërtesa pa leje. Kemi të bëjmë me një rrezik për sigurinë kombëtare. Jemi me fat që kryeministri e kthjellua sepse do kishim pasoja shumë të rënda”- tha ai.

LEXONI GJITHASHTU: 

• Toci: Ja prej sa kohësh investigohen muxhahedinët nga Shqipëria dhe aleatët
• Përplasjet në MEK, avokatja Kola tregon se çfarë kanë kapur fotot dhe videot