Fëmijët e shprehin nëpërmjet pikturës rritjen e çmimeve të produkteve

Çmimi i naftës por edhe produkteve të tjera duket se ka shqetësuar edhe fëmijët. Alvi Aliu ka zgjedhur ta shpreh kështu shqetësimin e tij përmes kësaj pikture.

Alvi ka dëgjuar shumë të flitet për rritjen e çmimeve ndaj dhe mendon se sa e vështirë është të blesh sot qoftë edhe një sasi të vogël naftë aq sa 12-vjeçari në pikturën e tij e përshkruan me sasinë e vogël të hedhur tashmë jo më në një serbator makine, por në një gotë.

Mesazhi që ai ka dashur të përcjellë është ky: “Unë kam dashur që të them se shikoni sa keq jemi, sa shumë i kemi rritur cmimet, gjëra që po ndodhin”.

Alvi dhe bashkëmoshatarët e tij të shkollave publike 9 vjeçare të Tiranës u bënë pjesë e një konkursi të organizuar nga Agjensia e Mbrojtjes së Konsumatorit të Bashkisë  së Tiranës.

“Sot është Dita Ndërkombëtare e Mbrojtjes së Konsumatorit dhe thelbi është ndërgjegjësimi i konsumatorit mbi të drejtat e tyre. Piktura e konsumatorit ka në thelb pikërisht të drejtat. Fëmijët janë lënë të lirë në imagjinatën e tyre, të tregojnë se çfarë kuptojnë ata me konsumatorë, të tregojnë se çfarë do të thotë të drejta dhe t’i shprehin ato përmes pikturës”, u shpreh Drejtoresha e Përrgjithshme e Agjensisë për Konsumatorin, Laura Delia.

Ndërgjegjësimi i brezit të ri është thelbi i ndërgjegjësimit të një procesi zinxhiri të një procesi zinxhir që qëndron jo vetëm tek të drejtat e konsumatorit, por kundrejt çdo të drejte.

Aktiviteti u zhvillua në ditën ndërkombëtare të konsumatorëve, që këtë vit i gjen në vështirësi të për shkak të rritjes së çmimeve.