Tre fëmijët e Pëllumb Metës të cilët dyshohet se kanë bashkëpunuar me njëri-tjetrin për vrasjen e të atit, duke e varrosur më pas pranë shtëpisë kanë dalë sot para gjykatës.

Hygerta Metën dhe dy vëllezërit e saj Hysen dhe Amarildo Meta, kanë dolën para togave të zeza në pritje të masës së sigurisë ndaj tyre.

Prokurorja Suela Beluli e cila lexoi pretencën tregoi se babai është konfliktuar me djalin e madh dhe me pas është shtrirë në divan.

Hyseni ka qëlluar 4 herë në kuzhinë duke lënë të vdekur të atin. Nëna dhe vëllai kanë ardhur pas vrasjes dhe në mbrëmje janë marrë me varrosjen e kufomës dhe zhdukjen e gjurmëve.

Para togave të zeza, djali i madh i familjes, i cili akuzohet nga policia si personi që shkrepin armën ndaj të atit e ka mohuar akuzën. Ka qenë vajza 19-vjeçare Hygerta Meta që edhe para togave të zeza i është rikthyer versionit fillestar të dhënë para policisë se ishte ajo që e kishte vrarë babanë  se ai po e detyronte të fejohej pa dëshirë.

“Nuk e kam bërë unë vrasjen. Le të flasë ai që e ka bërë. Kam qenë prezent, kur motra e vogël (Hygerta) ka qëlluar babain. Motra e qëlloi sepse debatonte shumë herë me babain sepse donte ta fejonte”, tha 25-vjeçari Hysen Meta.

Prokuroria ka kërkuar vlefshmërinë e arrestimit dhe masën e sigurisë arrest me burg për 3 të arrestuarit.

Ngjarja makabre u shënua në fshatin Shënavlash të Durrësit. 50-vjeçari Pëllumb Meta u vra brenda në banesë dhe trupi i tij u gropos në kasollen e bagëtive ku u gjet 13 ditë më pas. Fillimisht krimi u mor përsipër nga e bija 19 vjeçare e viktimës por më pas policia zbuloi se ekzekutori ishte djali i madh i familjes, Hysen Meta, ai që kishte bërë dhe denoncimin në polici të zhdukjes së të atit më 13 shkurt. Ndërkohë në bashkëpunim me të ishin dhe motra e vëllai që e kishin ndihmuar në fshehjen e krimit.

LEXONI GJITHASHTU:

• A abuzoi seksualisht Pëllumb Meta me vajzën e tij? Ja pse ka dyshime…
• “Na thoshte do ju vras, do ju djeg me benzinë”, Meta: I kam larë muret me gjakun tim