Ferhati: I ka bërë zyrtarët me dhimbje koke, ja çfarë pritet nga kreu i ri i SPAK

Hetime më agresive. Ishte kjo deklarata që i kishte bërë përshtypje gazetarit Eni Ferhati, në bashkëbisedimin me mediat që realizoi kreu i ri i SPAK-ut, Altin Dumani.

Ai tha se nga drejtuesi aktual pret hetime më pro aktive.

“Pres hetime pro aktive ku shumica e atyre që merren të pandehur apo ngrihen akuza të mos jenë në cilësinë e ish-ëve, ish-ministër, ish-deputet, ish-drejtor. Pres që SPAK-u bashkë me agjentët e BKH-së të mësyjnë në zyrat shtetërore, aty ku kërcasin faktet publike, faktet penale pse jo të abuzimit me detyrën, me fondet publike dhe të kemi arrestime në flagrancë të zyrtarëve. Këtë pres unë nga zoti Dumani,” – u shpreh Ferhati.

Gazetari shtoi se nga aq informacion sa ka për kreun e ri të SPAK-ut, ai gëzon një reputacion shumë të mirë dhe askush nuk mund ta cenojë sa i takon pjesës së integritetit.

LEXONI GJITHASHTU:

• Kreu i SPAK, Bushati: Rama e ka kapur me kohë drejtësinë, Kim bëri “show”
• A ka qenë SPAK i kapur nga qeveria? Përgjigjet Endri Shabani