Ferhati zbulon se e propozuara e Veliajt nuk ishte nënkryetare: Urdhri i paligjshëm

Gazetari Eni Ferhati tregoi në emisionin Now në Euronews Albania se Sara Goxhaj, e përzgjedhur nga kryebashkiakut Erion Velaij për të drejtuar bashkinë nuk është një nga nënkryetaret e kësaj bashkie, por drejtoreshë e kabinetit.

Nisur nga ky fakt, urdhri i firmosur nga Veliaj nga qelia e paraburgimit të Durrësit është e paligjshme, pasi sipas ligjit vetëm një nga nënkryetarët mund të delegohet për të drejtuar bashkinë në mungesë të kryetarit.

“Në radhë të parë është një urdhër i paligjshëm delegimi. Nga ana tjetër nga burime brenda bashkisë së Tiranës e përzgjedhura e Ramës për të drejtuar bashkinë në vend të Veliajt, Anuela Ristani nuk është një figurë e pranueshme për stafin e bashkisë, stafi nuk ka përqafuar këtë komandim që është bërë. Kjo nisur edhe nga disa lëvizje të stafit dhe emërime që kryetarja e komanduar ka bërë, çka ka krijuar një lloj tensioni brenda stafit të bashkisë së Tiranës, që duket se nuk është në përputhje me linjën e Veliajt dhe stafit të ngushtë me të cilët ka udhëhequr bashkinë e Tiranës”, tha Ferhati.

LEXONI GJITHASHTU:

• Karamuço flet për pajisjet që SPAK po përdor për të përgjuar të dyshuarit
• Karamuço: Shkodra, Tirana dhe Lezha, epiqendrat e krimit zgjedhor