Karamuço: Shkodra, Tirana dhe Lezha, epiqendrat e krimit zgjedhor

Profesori i Kriminalistikës Ervin Karamuço komentoi në emisionin Review në Euronews Albania strategjinë e publikuar nga SPAK për hetimin e krimeve zgjedhore.

Ai u shpreh se lidhja e krimit me politikën për të ndikuar në vullnetin e votuesve është një fenomen i njohur, denoncuar dhe hetuar por asnjëherë dënuar. Karamuço renditi disa nga qytetet që sipas tij janë epiqendra të krimit zgjedhor, ku banda kriminale me mbështetje politike ndikojnë në zgjedhje.

“Kemi Shkodrën problematike, që ka dalë edhe në SKY ecc, Lezhën ku është ende një konflikt i hapur që ka nisur për shkak të përplasjes gjatë zgjedhjeve, Durrësi, Tirana po e po, por duke qenë metropol i madh nuk bien më sy këto grupe, kemi disa persona në kërkim në Elbasan që kanë ndikuar në fushatat zgjedhore të mëparshme, në Fier ka grupe që kanë qenë dhe janë të aktivizuara me ndikim në zgjedhje, Vlorën dhe Dibrën. SPAK ka bërë punë të mirë duke u marrë disa nga këto grupe kriminale, të cilat duke qenë në radarë të SPAK kanë kufizuar çdo lëvizje”, tha Karamuço.

LEXONI GJITHASHTU:

• SPAK sekuestron pasuritë e vëllezërve Çopja
• Akuzohet për abuzime me tenderat, Ndreca pas daljes nga SPAK: S’ka fakte për shkelje