Fermerët e bashkisë Maliq, të cilët protestojnë për çmimin e ulët të shitjes së produkteve të tyre bujqësore, zhvilluan këtë të premte një takim me ministren e Bujqësisë, Anila Denaj.

Takimi erdhi pas kërkesës së protestuesve.

Të pranishëm në takim, fermerët kërkuan bllokimin e importit të produkteve bujqësore nga Kosova e Serbia.

Një fermere e Maliqit i tha ministres se ky ishte viti më i vështirë nga 28 vitet që ajo operon me prodhimin e patates.

Fermerja theksoi importet nga vendet e rajonit janë më të larta se shifrat zyrtare pasi një pjesë e tyre nuk deklarohen.

Gjithashtu ajo evidentoi dhe problematikat në marrjen e subvencioneve të naftës.

“Jam një fermere nga një fshat i bashkisë së Korçës, por që operoj në bashkinë e Maliqit. Kemi disa kultura bujqësore që disponojmë, kemi 20 ha patate, 6 ha qepë dhe 40 ha grurë. Në radhë të parë falenderoj ministren që na u përgjigj unë kam qenë si iniciatore e këtij takimi që të mblidhemi të gjithë bashkë dhe mos të flasim një nga penxherja dhe një nga dera. Kam 28 vite që merrem me patate dhe ky është viti më i vështirë, përjashto këtu atë të pandemisë. Kjo siuatë vjen nga importet e tregtareve vendas nga Kosova dhe Serbia. Importi sipas jush është 6%, por unë mendoj se është më shumë pasi është dhe i padeklaruar”, tha ajo.

LEXONI GJITHASHTU:

• Protestuan dhe bllokuan aksin Korçë-Pogradec, gjobiten fermerët në Maliq
• Fermerët e Maliqit në protestë, bllokojnë aksin Korçë-Pogradec: Nuk po ia dalim dot