Fermerët e Gramshit në krizë, ka prodhime bujqësore, por çalon shitja e produkteve

Ky vit cilësohet si tepër i mbarë përsa i përket rendimentit të prodhimeve bujqësore, por nuk është aspak i tillë për shitjet. Fermerët e rrethit të Gramshit po përballen me vështirësi të shumta për shkak të mungesës së tregut për shitjen e produkteve të tyre.

Fermerët në Gramsh thonë se shqetësimet lidhen me mungesën e tregut, që po ua bën gjithmonë e më të vështirë mbijetesën. Ky vit ka qene tepër i mbarë për prodhimet, thonë ata, por shitjet kanë qenë minimale.

“Këtu brenda për brenda nuk ka treg edhe shpresojmë që të kemi ndonjë treg jashtë.”

“Ka plot gjëra por më shumë kemi problem me tregun”

“Kostot janë rritur shumë.”

“Jemi të kënaqur me prodhimin që kemi. Me shitjet faktikisht një cikë dobët jemi. Duam treg shitjeje. I kemi shitur nëpër njerëzit tanë, por jo që të kemi treg shitjeje.”

“Po përballemi me problemin e shitjes së produktit, sado që kemi prodhime, por nuk kemi tregun e shitjes për të shitur produktin e prodhuar.”- shprehen qytetarët.

Përballë kësaj situate problematike, kryetari i bashkisë shprehet se për këtë vit nuk kanë mundësi të bëjnë asgjë, por vitin e ardhshëm synohet të krijohet një partneritet fermer-bashki për të siguruar shitjen e produkteve.

“Do krijojmë një plan të përbashkët, duke aplikuar në ato fonde që Bashkimi Europian ka dhënë në këtë sektor dhe do jemi bashkë me fermerët që do aplikojmë vitin tjetër sapo të hapen fonde të tilla”- shprehet Klodian Taçe, kryetar i Bashkisë Gramsh.

LEXONI GJITHASHTU: 

• Shqiptarët e Gjermanisë, rrëfejnë jetën nga qyteti antik Heidelberg
• 25 mijë euro për apartamentin, policia arreston 37-vjeçarin për mashtrim
• Në Vlorë bëhet plazh, pushues vendas e të huaj përfitojnë nga temperaturat e larta