Ferrari çmonton Mercedes

Jerome d’Ambrosio nënshkruan me Ferrarin ku do të marrë rolin e Z/Team Principal pas largimit nga detyra e Drejtuesit të Akademisë Mercedes. Duke qënë nën varësinë direkte të Fred Vasseur, D’Ambrosio do të bëjë të njëjtën lëvizje si Lewis Hamilton nga Brackley në Maranello. Gjithashtu ai do të jetë edhe Drejtues i Akademisë së Scuderi’së.

Bashkë me D’Ambrosio nga Mercedes tek Ferrari do të vijë edhe Drejtuesi i Performancës së “Shigjetave të Argjendta”, Loic Serra që te Scuderia do të jetë Kreu i Departamentit të zhvillimit të Shasisë. Të dy do të marrin detyrën e re nga 1 Tetori i këtij viti.

I lindur në vitin 1985 në Belgjikë, D’Ambrosio ishte një pilot i suksesshëm deri në vitin 2020 me një fitore në Grand Prix 2 dhe 3 fitore të tjera në Formula E. Në vitet 2011-2012 ai zhvilloi 20 gara në Formula 1 për Virgin Racing dhe Lotus. Përpara bashkimit me Mercedes në vitin 2023 si Drejtor i Zhvillimit të Pilotëve, D’Ambrosio ishte Team Principal për Venturi Racing në Formula E.

Serra që do të jetë në varësinë e Drejtorit Teknik të Ferrarit, Enrico Cardile do të mbikqyrë disa sektorë në Maranello, përfshi zhvillimin aerodinamik dhe performancën. Përvec eksperiencës te Mercedes, ai ka punuar për Michelin dhe ish skuadrën e Formula 1, BMW-Sauber.

LEXONI GJITHASHTU:

• Mercedes “hap thesin” për kampionin e Red Bull
• Norris mundi Verstappen për fitoren e parë në Formula 1