Për 32 vite me radhë, Durrësi i ka kthyer në traditë kremtimet për festën e pranverës, një aktivitet i njohur si “Mikpritja durrsake”.

Festa me origjinë ilire organizohet për nder të solsticit pranveror dhe ka në fokus vlerësimin e figurave që i kanë bërë dhe vijojnë t’i bëjnë jehonë qytetit bregdetar.

Gjatë programit, janë nderuar me titullin e lartë “Ambasador të qytetit të Durrësit” muzikantët durrsakë Gëzim Myshketa, Pandush Gjezi dhe Olen Çezari.

Ky i fundit, i njohur sot si violinisti shqiptar që ka interpretuar në tempujt më të mëdhenj të muzikës botërore, na tregon se, kthimi në skenën e teatrit të Durrësit, është kthim në “Olenin e vogël”, artistin e madh që prekte për herë të parë një skenë.

Fama e tij nuk është “rritur” e zhvilluar paralelisht me skenën ku nisi gjithçka, e cila sot duket e vogël për ta kthyer edhe një herë aty, në një shfaqje dedikuar qytetarëve të vendit që e rriti.

Gëzim Myshketa nga ana tjetër nuk mundi të ishte i pranishëm në ceremoni, megjithatë dy fjalë i tha e ëma e tij, Shega Myshketa.

LEXONI GJITHASHTU:

• Shtyhet seanca për Fatjon Muratin, zbardhet kërkesa për leje disa javë më parë
• Masakra në Don Bosko, gjendet e djegur makina e autorëve, brenda 3 kallashnikovë