Festa e trëndafilave në Pojan| Jo vetëm për dekor, gratë e përdorin edhe për gatime

Fshati Pojan është nga fshatrat më të njohur të Bashkisë së Maliqit, fshat me më shume se 5000 banorë të cilët e kanë kthyer në traditë tashmë Festën e Trëndafilave pasi pjesa më e madhe e shtëpive të këtij fshati janë  të “qëndisura” me trëndafilave shumëngjyrëshe.

Gratë e këtij fshati tregojnë se trëndafili nuk është vetëm në oborret e Pojanit, por me të bëjnë dhe gatime e ëmbëlsira.

“Kemi trëndafila në shtëpi, shumëngjyreshe, me aromë etj. Shurup trëndafili bëjmë, gazozat, shumë të mirë, oborret janë plot dhe kanë shumë, kemi e lule të tjera por trëndafili mbizotëron”, tha një e intervistuar.

“Bëjmë, gatime bëjmë, ëmbëlsira, trëndafilave u bëjmë yzmet, I vaditim. Vajzat e reja e trashëgojnë, siç e mësuam ne, do e mësojnë dhe ato”, tha një grua.

“Në fakt kjo është një festë ka filluar prej disa vitesh, fëmijët e pëlqejnë dhe gatuajnë gjëra tradicionale, shurupin për festën e trëndafilave, reçelin, të gjitha këto i përgatisin vet e na bën krenar që angazhohen në këtë festë”, tha gruaja.

Festa e Trëndafilave u mbajt për të pestin vit radhazi, ndërkohë që shumica e oborreve të familjeve që jetojnë në këtë fshat janë të “pikturuara” me trëndafilë shumëngjyrësh.

LEXONI GJITHASHTU:

• Arrestohet edhe një nga sulmuesit e gazetarëve në veri të Kosovës
• U vodh në Itali, karabinierët vijnë në Shqipëri të marrin veglën muzikore