Kthimi i emigrantëve| Radhë të gjata në Kapshticë, pala greke personel të reduktuar

Fluks në pikën e kalimit kufitar të Kapshticës. Shqiptarët po kthehen për të kaluar festat e fundvitit pranë familjeve të tyre, duke sjellë një fluks në këtë pikë kufitare.

Fluksi më i madh është ne hyrje nga Greqia në drejtim të vendit tonë. Për të përballuar numrin e madh të lëvizjeve të mjeteve autoritetet tona të kufirit kanë shtuar numrin e sporteleve duke punuar me 4 të tillë në hyrje e tre të tjera në dalje.

Paraditen e sotme bëjnë me dije burime pranë pikës kufitare nga vendi fqinj në drejtim të vendit tonë kanë kaluar me shume se 2200 shtetas shqiptarë e të huaj.

Ndërkohë shtetasit shqiptarë që duan të kalojnë drejt tokës helene po presin me orë të tëra në kufi, për shkak se autoritetet doganore greke po punojnë me personel të reduktuar dhe sportele të pakta në numër.

LEXONI GJITHASHTU: 

• Trafikoi në Shqipëri, një automjet të vjedhur në Norvegji, në pranga 26-vjeçari
• “Asnjë parti s’hapi shampanjë”, gazetari: Fundi i tranzicionit, pas Berishës…