Festivali Folklorik, Margariti: Përgatitjet nisën vjet, dje 4 mijë spektatorë

Ministrja e Kulturës Elva Margariti ka dhënë detaje në lidhje me Festivalin Folklorik Kombëtar që ka nisur ditën e djeshme në Gjirokastër dhe do të zgjasë për gati 1 javë.

Në një intervistë për emisionin “Review” në Euronews Albania, theksoi se përgatitjet për këtë festival kanë filluar që në nëntor të vitit të kaluar.

Më tej ajo nënvizoi se vetëm ditën e djeshme në Kalanë e Gjirokastrës kanë qenë 4 mijë spektatorë.

“Kemi filluar përgatitjet që në nëntor të vitit të kaluar. Festivalin e kemi me grupe amatorësh. Kemi 1200 artistë që do jenë në skenë në kala. Festa vazhdon dhe në sheshin “Çerçizi”. Dje në Kala ka qenë mbi 4000 spektatorë”- tha ajo.

LEXONI GJITHASHTU: 

• Festivali Kombëtar, Margariti jep detaje: Grupe nga diaspora e arbëreshët e Italisë
• Lufta në Ukrainë/ Dy civilë vriten në Donetsk