English

Festivali Folklorik Ndërkombëtar, fokusi koreografia dhe kostumografia e 6 shteteve

KOMENTE

SHPERNDAJE
ARTIKULLIN

Text sizeAa Aa

Në Tiranë ka nisur edicioni i dytë i Festivalit Folklorik Ndërkombëtar. Në këtë aktivitet marrin pjesë 6 shtete, të cilët prezantojnë kulturën popullore.

- Advertisement -

Qëllimi kryesor i këtij eventi është bashkëveprimi me folklorin multikulturor ndërkombëtar në vendin tonë.

“Nga këmbënguljet e vazhdueshme që kam pasur duke qenë se profesionalisht jam valltar, kam pasur një ndërgjegje shumë të fortë për të rritur nivelin e kulturës dhe për të njohur kulturat ndërkombëtare në Shqipëri. Ne jemi 97 anëtarë dhe këtë vit pres një hov më shumë, duke qenë se është edicioni i tretë i FIDAF dhe pritshmëritë janë shumë të larta, interesi është i lartë. Njohja e kulturave ndërkombëtare ka një interes të veçantë,” – u shpreh organizatori Gëzim Alimehmeti.

Grupet pjesëmarrëse sjellin nga vendi i tyre koreografi dhe kostumografi të ndryshme në tre netët e festivalit.

“Risitë e këtij viti, duke qenë se unë jam pjesëtare prej tre vitesh tek ky festival mund të themi afterparty.  Është një afterparty për të lidhur kulturat midis shteteve, si dhe për tu ndjerë më shumë pranë njeri- tjetrit, si dhe pse jo, të ndajnë eksperiencat e tyre personale me njeri-tjetrin,” – tregoi koordinatorja Regisa Dylgjeri.

Shtetet pjesëmarrëse këtë vit janë Greqia, Moldavia, Spanja, Meksika, Kili, Hungaria. E vecanta e këtij festivali është fakti se në juri ka dhe pjesëmarrës të huaj. Ata tregojnë disa nga kriteret që duhet të ketë një fitues.

“Janë disa kritere në përzgjedhje, duke filluar me koreografinë, autenticitetin e kërcimit, kostumografia dhe detaje të tjera që bëjnë diferencën. Dhe në fund, në varësi të pikëve ne do të vendosim fituesin,” – tha pjesëtari i jurisë, Catalin-Gabriel Oancea.

Shteti fitues i vendit të parë të këtij edicioni do të jetë edhe i ftuar nderi vitin e ardhshëm.

LEAVE A REPLY

Please enter your comment!
Please enter your name here

Etiketimet

TË FUNDIT

Sondazh

Euro 2024| A mendoni se Shqipëria do të mund ta kalojë grupin e “ferrit” në kampionatin Evropian?