Festivali i 57-të i filmit, devijimi i aktorit Russell Crowe, nga filmi tek muzika

Edicioni i 57-të i Festivalit të Filmit, që po zhvillohet në qytetin Karlovi Vari të Çekisë, po i ofron audiencës mbi 200 filma nga e gjithë bota.

Russell Crowe ka bërë për vete fansat me sjelljen e tij miqësore. Ai shfrytëzoi një moment për t’i përshëndetur, apo për të bërë një foto me ta.

Publiku ka nisur ta pëlqejë atë edhe si muzikant pas një koncerti të mbajtur gjatë një feste.

“Muzika është e rëndësishme për mua. Është diçka kreative nga e cila nuk heq dorë dhe nuk më intereson se sa njerëz më thonë se nuk duhet ta bëj. Unë do ta bëj gjithsesi”, tha Russell Crowe, aktor dhe këngëtar.

Aktori skocez Ewan McGregor mori çmimin e presidentit të festivalit.

“Është një çmim i madh. Unë besoj shumë në atë që bëjmë ne aktorët. Jam me fat që bëj atë që dua dhe e dua atë që bëj”, u shpreh Ewan McGregor, aktor.

Në event u transmetua filmi i tij i ri ku interpreton e bija, Clara McGregor, e cila është gjithashtu autore dhe producente e filmit.

LEXONI GJITHASHTU:

• Festivali i filmit të animuar, filmi francez fiton çmimin final
• Festivali i Filmit në Venecia, aktorja Catherine Deneuve merr Luanin e Artë