Festivali i Filmit në Dropull rrit bashkëpunimin kulturor mes shteteve

Në Gjirokastër nuk ka sesi të mungojë Festivali i Filmit të shkurtër në Dropull. Artdashës të filmit nga vende të ndryshme bëhen bashkë, për të ndjekur prodhimet më të mira kinematografike, por edhe për të njohur  traditat dhe kulturën e Dropullit.

Interesi i turistëve, por dhe vendasve ka qenë i lartë. Mbrëmja ka mbledhur më shumë se 300 qytetarë, duke e kthyer Dropullin në një vend zhurmues si kurrë më parë.

“E kam thënë shpesh që në qarkun e Gjirokastrës ka shumë resurse turistike të kulturës, site arkeologjike që duhen të zgjohen. Këtu ku jemi përveç ndeshjeve me gladiatorë janë luajtur me dhjetëra drama. Është shumë e rëndësishme që këto vende të bukura dhe të fjetura të vihen në funksion të turizmit,” – u shpreh një burrë.

Festivali i Filmit në Dropull, përmes tij ka dhe një synim tjetër. Përmes artit të japë mesazhet e duhura për të rinjtë të cilët synojnë të largohen nga Shqipëria.

Festivali është një urë e rëndësishme bashkëpunimi, kulturore midis dy vendeve.

Festivali do te zgjasë tre dite. Krahas filmave qe do vlerësohen, risia e këtij edicioni është dhe workshop-i i filmit të animuar si dhe dokumentarit, në të cilin fëmijët do të prodhojnë një histori të animuar, krijuar nga fantazia e tyre.

LEXONI GJITHASHTU:

• Festivali i filmit të shkurtër, fituesit e Festivalit të Dropullit shfaqen në Tiranë
• Kolegji Zgjedhor regjistron kandidatin e Nismës Thurje në Dropull