Festivali i “Lojërave Popullore”, Bilishti ruan ende vlerat e trashëgimisë kulturore

Në qytetin e Bilishtit ka nisur Festivali Folklorik Tipologjik i Lojërave Popullore dhe Riteve.

Në këtë spektakël të traditës marrin pjesë grupet më të mira shqiptare, të cilët tregojnë kujdes në ruajtjen e vlerave të trashëgimisë kulturore, kostumografisë, koreografisë dhe muzikës burimore.

Grupi i Dimalit është një nga grupet më të njohura të kësaj trashëgimie.

Ndryshe nga gjitha grupet e tjera që kanë marrë pjesë me valltarë e instrumentistë të rritur grupi i Lezhës me koreografe Rudina Demaliaj ka ardhur në këtë festival me një grup të rinjsh e të rejash, si për të transmetuar më shumë vlerat e kostumografisë në veçanti.

Sipas organizatorit Niko Kotherja organizimi për herë të dytë në Bilisht i një festivali si ky ka si qëllim ruajtjen e këtyre vlerave nga njëra anë dhe gjallërimin e jetës kulturore të qyteteve të vogla.

Në këtë festival kanë marrë pjesë 10 grupe të cilët do të performojnë në dy ditë.

LEXONI GJITHASHTU:

• “Tirana My Rhythm”, shfaqja e Teatrit Eksperimental pjesë e Salerno Dance Festival
• Starton MIK festival, Radoja dhe Ahmeti ndezin atmosferën në Korçë