“Tirana My Rhythm”, shfaqja e Teatrit Eksperimental pjesë e Salerno Dance Festival

Shfaqja e Teatrit Kombëtar të Eksperimentalit ‘Kujtim Spahivogli” , “Tirana Ritmi im– 10 Kërcime”, me koreografi të Giulio De Leo, (Xhulio De Leo) mori pjesë në Salerno Dance Festival nga datat 18 deri më 21 korrik.

Kjo shfaqje e veçantë u prezantua dy herë, fillimisht më 18 korrik në Amfiteatrin e i Annunziato në Licousati, dhe më 20 korrik në në Ascea Park.

Publiku italian e priti me mjaft interes dhe entuziazëm shfaqjen, duke e duartrokitur vazhdimisht.

Drejtuesi artistik i festivalit, Dr. Luigi Aruta, e cilësoi shfaqjen si një vepër të nivelit të lartë profesional, që përmbush të gjitha kriteret artistike të festivalit.

Ai theksoi se koreografi Giulio De Leo kishte arritur të përballonte me mjeshtëri traditën e kërcimit shqiptar me zhvillimet e vrullshme të Tiranës moderne, duke krijuar një kombinim unik midis traditës dhe ritmit të jetës së përditshme qytetare.

Shfaqja “Tirana Ritmi im” përdor një miksim të dancit dhe projeksionit vizual për të sjellë në skenë ritmin e brendshëm të një qyteti gjithnjë e më atraktiv për t’u vizituar. Kjo tërheqje vjen si për historinë, arkitekturën dhe traditën, ashtu edhe për sfidat e qytetarit të sotëm që përballet me ritmet e një zhvillimi të shpejtë dhe të pashmangshëm.

 “Tirana Ritmi im” ka marrë pjesë deri tani në gjashtë festivale ndërkombëtare në Itali dhe Shqipëri.

Prezantimi i ardhshëm i shfaqjes “Tirana My Rhythm” do të mbahet në Firence më 24 nëntor 2024.

LEXONI GJITHASHTU:

• Monumentet e kulturës në Gjirokastër/ Turistët i përdorin për të promovuar talentet
• Gjirokastra binjakëzohet me Bujanocin, marrëveshje në arsim, turizëm e kulturë