Festivali shumëngjyrësh orkidesë në Londër, lajmërohet zhdukja e shumë llojeve

Kopshti Botanik Mbretëror i Londrës në Kew po zhvillon festivalin e tij vjetor të orkideve i cili zgjat deri më 3 mars. Një ekspozitë e ngrohtë dhe e veçantë, kushtuar Madagaskarit. I përbërë nga 5000 orkide, disa prej tyre tepër të rralla, i mundëson vizitorëve t’i largohen të ftohtit të errët të dimrit.

Midis luleve janë edhe lemurët me bisht unazë, të cilët i japin jetë këtij udhëtimi në tokat e ngrohta.

Është një përvojë ndryshe që synon të lajmërojë njerëzit për faktin se shumë lloje orkide janë në prag të zhdukjes.

“Rreth 76% e kësaj bime është e rrezikuar, kjo sipas vlerësimit të treguesit kritik të shëndetit të biodiversitetit në botë. Kjo do të thotë se gjendet në më pak se pesë lokalitete në Madagaskar. Rreziku i zhdukjes është në gjendje kritike”,-tha Landy Rajaovelona, Studiuese e Orkideve të Madagaskar-it.

Kew Gardens, shtëpia e një prej koleksioneve më të vjetra të orkideve tropikale të gjalla në botë, i cili daton të paktën që prej vitit 1787. Gjithashtu mban herbariumin më të madh të orkideve, me 400,000 ekzemplarë.

LEXONI GJITHASHTU:

• “I vendosëm simbolikisht njerëzit brenda vaginës”-artistja për ekspozitën provokuese
• 556-vjetori i ndarjes nga jeta të Skënderbeut, ekspozitë me fotografi në Gjirokastër