556-vjetori i ndarjes nga jeta të Skënderbeut, ekspozitë me fotografi në Gjirokastër

Në 556-vjetorin e vdekjes së Heroit tonë Kombëtar, Gjergj Kastrioti Skënderbeu në qytetin e Gjirokastrës u çel një ekspozitë fotografike me imazhe nga realizimi i filmit “Skënderbeu”.

Një pjesë e skenave të këtij filmi, realizuar në vitin 1953 janë xhiruar në mjediset e qytetit të gurtë.

62 fotografitë e ekspozuara krahas vlerave artistike janë edhe një pasuri arkivore e veçantë për kinematografinë shqiptare dhe vetë Gjirokastrën.

“Ne kemi rreth 62 foto nga filmi, të cilat janë në një gjendje vërtet shumë të mirë, është një ekspozitë shumë e bukur fotografike, ardhur nga ” Mosk Film” dhe të ruajtura shumë mirë, është një ekspozitë që tregon jo vetëm aktorët kryesorë që kanë luajtur që nga roli i Skënderbeut, aktorët rusë dhe aktorët shqiptarë, është edhe një ekspozitë që tregon momente të spikatura të filmit dhe të jetës në Gjirokastër, është padyshim një ngjarje shumë e madhe sepse është filmi i madh me metrazh të plotë, filmi i parë shqiptar dhe një nga realizimet më të mira të kinematografisë jo vetëm shqiptare por edhe më gjerë”, tha regjizori Kudret Alikaj.

Gjatë ditës së sotme në Gjirokastër u realizua një program aktivitetesh kulturore të cilat kishin në qendër figurën e Skënderbeut.

LEXONI GJITHASHTU:

• 556 vite nga vdekja e Skënderbeut. QKLL organizon aktivitete për heroin kombëtar
• Përlotet qëndistarja nga Kruja: Emocionohem kur bëj vepra të Marigosë e Skënderbeut