556 vite nga vdekja e Skënderbeut. QKLL organizon aktivitete për heroin kombëtar

Në 556-vjetorin e vdekjes së heroit kombëtar, Gjergj Kastriot Skënderbeu, historianë, studiues dhe Shkrimtare morën pjesë në takimin e organizuar nga Qendra Kombëtare e Librit dhe Leximit, ku u fol për figurën e Skënderbeut në letrat shqiptare.

Në kuadër të 556-vjetorit të vdekjes së heroit kombëtar, Gjergj Kastriot Skënderbeu, Qendra Kombëtare e Librit dhe Leximit organizoi aktivitetin “Skënderbeu, historia dhe identiteti” ku ishin të pranishëm historianët Ferit Duka, Nevila Nika si dhe Hysen Dizdari, studiues, koleksionist dhe autor i disa librave në filatelinë shqiptare.

Gjatë aktivitetit u promovua bibliografia “Gjergj Kastrioti në veprat e autorëve Shqiptar” 1480 -2023, e shkruar nga Hysen Dizdari, me ne qendër figurën e Gjergj Kastriot Skëndërbeut. Libri është një përmbledhje e të gjitha veprave që janë shkruar për heroin tonë kombëtar.

Në janar të vitit 1468 Skënderbeu u sëmur gjatë zhvillimit të një Kuvendi të thirrur nga ai, në të cilin ishin të ftuar të gjithë princat shqiptarë. Ai vdiq në moshën 63-vjeçare më 17 Janar 1468 në Lezhë.

Pavarësisht se ka jetuar para më shumë se 5 shekujsh, nderimi i shqiptarëve për të ruhet edhe sot. Monumenti i tij është i ngritur në Tiranë, Prishtinë, Shkup, Krujë dhe disa qytete të tjera. Emri i tij shënon shumë institucione arsimore, ndërsa është figurë për të cilën ende nuk rreshtin hulumtimet e studimet.

LEXONI GJITHASHTU:

• Tre ditë pas shpalljes Mbret i Danimarkës, Frederik X boton librin e tij të parë
• Propozimet e Ramës për ambasadorë: Ferit Hoxha në BE, Suela Janina në OKB