“Fillova si marinar”, shqiptaro-amerikani merr komandën e një luftanije amerikane

Komandanti Alban Dervishi, është një shqiptaro amerikan i cili do të marrë komandën e USS Pearl Harbor në qershor të 2025-ës. Ai ka lindur në Tiranë dhe me origjinë nga një familje ushtarake. Albani dhe prindërit e tij emigruan në Shtetet e Bashkuara 25 vjet më parë për të ndjekur ëndrrën amerikane.

“Isha vetëm 16 vjeç, kisha mbaruar vitin e dytë të gjimnazit dhe më pas vajtëm në New York. Ndihem shumë krenar që këtë qershor marr komandën e USS Pearl Harbor. Mu dha mundësia dhe thashë pse jo ti hyj Ushtrisë Amerikane. Kam një jetë të tërë që e prisja këtë moment dhe është një nder sepse gjatë gjithë karrierës tonë ne dedikojmë shumë për ta arritur këtë majë. Kam filluar si një marinar i thjeshtë dhe gjithçka shkoi me shkallë.

Gjatë karrierës time kam qenë në 7 anije të ndryshme dhe kam lundruar çdo det të botës, duke përfshirë dhe operacionet më kritike, si të luftës së Afghanistanit, Irakut dhe operacionet e tjera”, tha komandanti Dervishi.

LEXONI GJITHASHTU:

• Qeveria përshpejton transformimin digjital të ekonomisë në bashkëpunim me Mastercard
• Presidentja Osmani kundërshton propozimin për shtrenjtimin e energjisë elektrike