Ministria e Punëve të Jashtme e Finlandës njoftoi sot se thirri diplomatin më të lartë të Rusisë në Helsinki lidhur me një shkelje të dyshuar të hapësirës ajrore finlandeze më 10 qershor, incidenti i dytë i tillë në më pak se tre javë, raporton Reuters.

“Ministria e Punëve të Jashtme ftoi sot kreun në detyrë të misionit rus për t’iu përgjigjur kësaj pyetjeje”, thuhet në deklaratën e ministrisë finlandeze për agjencinë.

Finlanda, një vend anëtar i NATO-s, tha të martën se dyshonte se një aeroplan ushtarak rus kishte hyrë në hapësirën e saj ajrore pranë bregut jugor të vendit dhe se rojet e saj kufitare po hetonin incidentin.

LEXONI GJITHASHTU:

• Rusia nis sulme masive në Ukrainë, një i vdekur në Odesa
• Rusia sulmon Ukrainën me gati 500 dronë dhe raketa