Fitoi medaljen e artë, sportistja ukrainase fle në pistë në mes të kërcimit

Yaroslava Mahuchikh fitoi medaljen e artë në Lojërat Olimpike në kërcimin së larti për femra pas përpjekjes së saj për herë të parë në dy metra, duke mposhtur Nicola Olyslagers.

Nuk është vetëm suksesi i saj që ka marrë vëmendje, por metoda e pazakontë e 22-vjeçares ka habitur qytetarët, por jo vetëm pasi është bërë lajm dhe në mediat ndërkombëtare.

 Ajo është filmuar duke dremitur në mes të kërcimit gjatë kohës që po priste radhën dhe duket se kjo metodë i dha sukses në Paris.

“Ndihem rehat kur shtrihem dhe ndonjëherë mund të shikoj retë,” tha ajo pasi fitoi medaljen e artë, kur u pyet se përse fjeti në pistë.

Rutina e sportistes sipas mediave filloi në vitin 2018, vit kur ajo fitoi kërcimin së larti në Lojërat Olimpike për të Rinj.

LEXONI GJITHASHTU:

• Luiza Gega pozicionohet e 9-ta në garën e vrapit, skualifikohet nga Lojërat Olimpike
• Mbante në dorë flamurin e Tajvanit, spektatori tërhiqet zvarrë nga Lojërat Olimpike