“Fitore përfundimtare në 2025”, Rama kërkon votën e shqiptarëve në Londër

Kryeministri Edi Rama zhvilloi sot një takim me diasporën shqiptare në Londër, të cilëve u kërkoi votën, siç tha, edhe për të çliruar opozitën nga pengmarrësit.

Sipas Ramës, fitorja e 2025 do jetë jo vetëm vendimtare por përfundimtare.

“Nëse ju shqiptarët e botës së lirë do të merrni pjesë masivisht në zgjedhje, për Shqipërinë 2030 në BE, përballja e ardhshme elektorale nuk do të jetë vetëm vendimtare, por përfundimtare, pa kthim pas për progresin dhe shtetbërjen. Fitorja jonë nuk duhet dhe nuk do të jetë fitorja e radhës së një partie ndaj të tjerave por triumfi i një vizioni për botën, i një kuptimi për vlerat njerëzore të respektit. Fitorja jonë në zgjedhjet e ardhshme duhet të jetë jo një fitore vendimtare, por përfundimtare edhe për opozitën që duhet çliruar nga pengmarrësit për hallet e disa udhëheqësve të diskretituar nga histori”, tha Rama.

LEXONI GJITHASHTU:

• Rama takim me diasporën në Londër, dhjetëra shqiptarë protestojnë
• Vrasja e 14-vjeçarit, Rama: Po përdoret për luftë pushteti, s’pyesin për viktimën