Fitorja e LVV në Kosovë, Rama: Kurtin e kam uruar, do ishte mirë një mbledhje mes dy qeverive

Kryeministri Edi Rama gjatë konferencës së fundivitit më gazetarët tha se ka uruar personalisht Albin Kurtin pas zgjedhjeve të 28 dhjetorit, teksa nuk përjashtoi edhe një mbledhje midis dy qeverive.

Ndër të tjera kreu i qeverisë tha se bashkëpunimi me Kosovën do të vazhdojë, ku theksoi se një nga punët kryesore është hekurudha Durrës-Prishtinë.

“Nuk e di do flasim, do të vendosim, do ishte mirë të kishim një mbledhje mes dy qeverive. Mos harroni kemi bërë mbledhje mes parlamenteve, këtë vit nuk e bëmë për shkak të zgjedhjeve. Albin Kurti u rikonformua si kryeministër dhe i kam bërë edhe urimet edhe personalisht. Dhe ne do të vazhdojmë punën.

Kemi gjëra që mund të bëjmë, sidomos hekurudhën Durrës-Prishtinë, që është xhevahiri i kurorës; do bëjmë çmos që ta çojmë deri në financim”, tha Rama.