Filmi i cili ndalet tek Lufta e Parë Botërore “1917” dhe “Once Upon a time in Hollywood” në vitet 60 janë dy mbretërit e natës së “Golden Globe”, të cilët fituan më shumë çmime.

Në një mbrëmje madhështore ku ishin mbledhur figurat më të njohura të kinematografisë botërore, filmi “1917” u vlerësua si drama më e mirë duke lënë pas filma si “The Irishman” dhe “Marriage Story” të dyja nga Netflix.

Filmi nostalgjik “Once Upon a Time in Hollywood” prodhuar nga Sony Pictures fitoi çmimin si komedia më e mirë por edhe dy statuja të tjera të arta. 

Joaquin Phoenix, i cili luan personazhin e frikshëm të Joker-it dhe Renee Zellweger, me rolin e Judy Garland in “Judy” u nderuan si aktorët më të mirë dramatikë.   

Për skenarin e letrës së dashurisë, u vlerësua Quentin Tarantino, në filmin, “Once Upon a Time in Hollywood” e po ashtu fitues i mbrëmjes ishte edhe aktori Brad Pitt, i cili ka një rol të dyfishtë në film.

Trofeu për aktoren më të mirë mbështetëse shkoi për Laura Dern në rolin e avokates të pamëshirshme në filmin “Marriage Story”, duke mposhtur këngëtaren dhe aktoren Jeniffer Lopez.

Kjo natë gala shënoi sukses edhe për Sir Elton John, i cili fitoi çmimin për kolonën më të bukur zanore “I’m gona love me again” në filmin Rocketman.

Aktori Tom Hanks u nderua gjatë mbrëmjes me çmimin e karrierës duke shënuar plot 30 vite në ekran.

Një natë me emocione, duartrokitje ishte ceremonia e ndarjes së çmimeve “Golden Globe”, që pritet me padurim në të gjithë botën.

Komediani britanik Ricky Gervais, i cili prezantoi shfaqjen nuk i ndali shakatë dhe show-in me të ftuarit.