Fizioterapistja i shpëton jetën futbollistit gjatë ndeshjes Pogradeci-Butrinti

Fizioterapistja e qytetit të Pogradecit, Alma Angjo i ka shpëtuar jetën një futbollisti në fushën e lojës në ndeshjen Pogradeci – Butrinti.

Në një moment të kësaj ndeshje ka pasur një përplasje loje mes dy futbollistëve, përplasje kjo që ka lënë të shtrirë në fushë futbollistin e Butrintit Selidon Zholi.

Drejt tij kanë vrapuar të dy stafet mjekësore dhe fill pas tyre ka vrapuar dhe fizioterapistja Alma Angjo pasi gjendja e futbollistit nuk ishte aspak e mirë.

Për disa sekonda futbollisti ka qene në gjendje të fikëti dhe vetëm ndërhyrja e Angjos (duke i nxjerrë gjuhën lojtarit) ka normalizuar situatën shëndetësore të lojtarit, situatë e cila është pritur me duartrokitje nga tifozeria pogradecare.

Ky është momenti i dytë për Angjon që bën mrekullinë me futbollistët, para dy viteve ishte më portierin Alliu dhe këtë herë me sarandjotin Zholi.