Flamurtari vendos rekord, rezultati më i thellë në futbollin shqiptar

Këtë të mërkurë janë zhvilluar ndeshjet e kupës së Shqipërisë, ku nuk kanë munguar rezultatet interesante, por padyshim më i çmenduri është ai i regjistruar në Vlorë.

Vendasit e udhëhequr nga Agostinelli u përballën me Devollin, skuadër të cilën e shpartalluan në shifrat 15-1. Kuqezinjtë nuk toleruan aspak ndaj një kundërshtari me të cilin diferencat janë të dukshme në fushë.

Pjesa e parë prodhoi 5 gola me autorë Beqja, Selimi, Kacbufi, Pjeshka dhe Hoxhaj. Në të dytën ritmi i vlonjatëve ishte më i lartë ku shënuar plot 10 herë. 5 gola nga Shkurtaj, dopietë e Oshafit, Hasa, Adem dhe sërish Hoxhaj kompletuan festivalin kuqezi të golave, ndërsa për miqtë Ivani me penallti.

Ky është një rekord në futbollin shqiptar sa i përket rezultateve, si më i thelli i regjistruar ndonjëherë.