Kryeministri Edi Rama ishte këtë të shtunë në Himarë për të vijuar me fushatën elektorale së bashku me kandidatin socialist të kësaj bashkie, Jorgo Goro.
Teksa ka kujtuar punën e bërë nga Partia Socialiste në Himarë, ai nuk ka lënë pa përmendur edhe kundërshtarët, ku me ton të ashpër ka thënë për kandidatin e koalicionit “Bashkë Fitojmë”, Fredi Beleri se ai është një injorant që flet broçkulla dhe që nuk përfaqëson asgjë.
“Kjo vija bregdetare këtu nuk ekzistonte në këtë kohë. kur unë vija këtu e kaloja për punët si kryetari i opozitës në atë kohë, gjithmonë thosha, po mirë të tjera, por Himarën pse e bën si Bathore, sepse realisht në pjesën andej ishte një tmerr.
Sot biem dakord që ne kemi bërë për Himarën atë që nuk është bërë kurrën e kurrës. Dhe ata kanë kurajon të mendojnë se mund të fitojnë këtu. Ai nëpërmjet një maske që kanë vënë këtu dhe del nëpër rrugë e shet borçkulla që Edi Rama ka shitur Himarën.
Janë të gjitha broçkulla se ai është edhe një kokërr injoranti dhe është një diversionist i pashoq që flet sikur bën politikë të madhe, ai nuk përfaqëson absolutisht asgjë përveç vullnetit të një grushti njerëzish këtu”,-tha kryeministri Rama.
LEXONI GJITHASHTU:
- 280 mijë shtrime në spital gjatë 2022, shumica në kardiologji dhe psikiatri
- Përfaqësuesi i Oborrit Mbretëror: Ceremonia e mbretit Charles kushtoi 110 mln paund
