Babai i Naim Murselit, tha se pas arrestimit të djalit të tij, ai nuk ka pasur asnjë kontakt me djalin e tij që pas shoqërimit të tij në polici.
Në një inervistë për “Nacionalen”, Shaban Murseli, rrëfeu momentin e parë që e mori vesh se ishte djali i tij ai që kishte planifikuar vrasjen e Liridonës.
“Ta dija do isha hakmarrë vetë, ai s’do ishte gjallë”,-tha Shabani. Ai shtoi se me familjen e Liridonës kishin njohje të vjetra, ndërsa pas kësaj që ndodhi shprehet se “nuk ka fytyrë t’i dali përballë”.
“Polici u pasi kontrolluan dhomën u ul me mua dhe më tha “Më vjen shumë keq, por ka shumë prova që Naimi është i përfshirë”, aty jam tronditur. Mua të ma kishin dhënë gjithë botën s’e besoja që djali im e bënte këtë. Ta dija se e kishte bërë evlati im, unë isha hakmarrë vetë me djalin tim që atë ditë.
Ai s’do ishte gjallë. Liridonën e kemi dashur më shumë se fëmijët e mi. Me familjarët e Liridonës unë njihem prej 50 vitesh. U bëra mesazh të shkojë në varrim, s’më kanë pranuar. Unë i kuptoj, unë jam me ata nuk jam me Naimin, s’kam pasur fytyrë t’u dilja përballë. Fëmijëve nuk i kemi thënë, nuk kemi gjetur forcë (përlotet) nuk kemi gjetur forcë t’u themi”,-tha babai i Naim Murselit.
LEXONI GJITHASHTU:
- Vrasja e Liridona Ademajt, lihet në burg Naim Murseli dhe dy të tjerët
- Marshim në Tiranë për vrasjen e Liridona Ademajt, i bashkohet ambasadori i Kosovës
