Fleta e votimit pa emrin e Berishës, Rama: E dini që keni Like “floririn”?

Këtë të hënë, kryetari i partisë socialiste Edi Rama zhvilloi fushatë për zgjedhjet e 14 majit në Durrës. Teksa kërkoi votën e qytetarëve të Durrësit, Rama ju kujtoi demokratëve mungesën e emrit të Sali Berishës në fletën e votimit.

“Durrësi sot ka një kryetar bashkie që e di shumë mirë çfarë bën, që flet pak, punon shumë, nuk merret me politikë gjithë ditën, nuk është kukull e askujt,” – u shpreh Rama.

Kryesocialisti sulmoi dyshen Berisha-Meta, duke ju kujtuar demokratëve mungesën e emrit të Sali Berishës në fletën e votimit. 

“Si do shkoni ju atë ditë në votim, e dini ju që në fletë votimi keni Like floririn? Si do shkoni ju? Se unë nuk e kuptoj fare sesi mund të jesh akoma me non gratën, unë s’e kuptoj, them ju vjen keq se thonë hë mo mirë baca i ka këto të zeza por mbetet baca, edhe po shkojmë tek baca, po nuk është as baca, ke Like ‘floririn’ në fletën e votimit,” – tha Rama.

Në këtë qytet, Rama u ndal edhe në takime me përfaqësues të bizneseve për rritjen e pagave.

LEXONI GJITHASHTU:

• “Pa shkuar te paga minimale 60 mijë lekë nuk flemë gjumë”, Rama takim me bizneset
• Rama thumbon kandidatin e Durrësit: Djalë i mirë, por nuk kam motër për të martuar