Fluks turistësh në ujëvarat e Siqecës, problem mungesa e sinjalistikës

Ujëvarat dhe kataraktet e Siqecës, në vitet e fundit frekuentohen jo vetëm nga banorë të zonës, por edhe nga banorë të zonave të tjera si edhe të huaj të pasionuar pas shtigjeve turistike dhe bukurive të egra të natyrës shqiptare.

Banorë të fshatit pohojnë se bashkia Patos vetëm ka shtruar rrugën deri në qendër të fshatit ndërsa mbetet për t’u përmirësuar edhe një pjesë tjetër që të afron pranë atraksionit turistik.

Për të shkuar tek ujëvarat mungon një sinjalistikë udhëzuese, çka do të ndihmonte vizitorët dhe turistët. Gjithashtu do të shtonte dhe numrin e tyre, si dhe do të sillte më shumë të ardhura dhe promocion për këtë destinacion.

Ujëvarat dhe kataraktet e Siqecës, fluksin e vizitave e kanë kryesisht në stinën e pranverës e të vjeshtës për shkak dhe të sasive të ujit që rrjedhin në to.

Rrjedhimisht fshati Siqecë u fut në programin e 100 fshatrave turistikë.

LEXONI GJITHASHTU:

• “Shpella që na la pa fjalë”, Bulku: Kishte ujëvarë dhe liqen, vendin e kam sekret
• “Udhëtarët” vizitojnë dy nga bukuritë e Gramshit, ujëvarën e Sotirës dhe liqenin e Dushkut