“Shpella që na la pa fjalë”, Bulku: Kishte ujëvarë dhe liqen, vendin e kam sekret

Dorjan Bulku, eksploruesi i shpellave ishte i ftuar këtë të enjte në “Summer Cube” në Euronews Albania për të folur rreth pasionit të tij të ekspolirimit të shpellave.

Ndër të tjera ai ka ndarë një nga eksperiancat e tij më të bukura ndërsa ishte duke eksploruar një shpellë në veri të vendit. Emrin e shpellës Bulku e mbajti sekret, por tha se ajo shpellë ishte e pa eksploruar më parë e në të ndodhej një ujëvarë dhe një liqen që i kishte lënë pa fjalë të gjithë grupin e eksploruesve.

“Ka qenë një moment para dy vitesh, kur kishim shkuar ne veri të Shqipërisë në një shpellë që duhet ta mbajë pak sekret këtë shpellën sepse po bëjmë një dokumentar.

Ishim  nisur për një shpellë tjetër dhe momenti i parë kur u futëm në shpellë, ishim me idenë se do dilnim e ishim pa pajisje, por në momentin që u futëm ngelëm të gjithë pa fjalë.

Aty ishte një ujëvarë plot me stalagmite miliona vjeçare. Shpella ishte e paprekur, e padëmtuar fare, nuk ishte e eksploruar. Sa më shumë hyje në brendësi të saj aq më e madhe bëhej si shpellë, ne zbritëm 450 metra me litarë dhe aty ishte një liqen”,-tha Dorjan Bulku.

LEXONI GJITHASHTU:

• Një grup deputetësh do kërkojnë çregjistrimin e Bashës si kryetar nga gjykata
• Shtyhet vendimmarrja për caktimin e drejtuesit të partisë