Fluksi i emigrantëve, Britania vendos oficer shqiptar në portin e Doverit

Britania e Madhe do të vendosë një oficer të policisë shqiptare në portin e Dover, me qëllim shkëmbimin në kohë reale të informacioneve në rastet kur në këtë port ka shtim të lëvizjes së shtetasve shqiptarë.

Lajmi u bë i ditur nga Policia e Shtetit, teksa Drejtori i Përgjithshëm, Gledis Nano ndodhet për një vizitë pune në vendin ishullor.

Në fokus, mbetet rritja e bashkëpunimit ndërmjet Policisë shqiptare dhe agjencive ligjzbatuese britanike, veçanërisht në luftën ndaj krimit të organizuar, migracionit të paligjshëm, si dhe pastrimit të parave.

Nano zhvilloi takime me homologun e tij në NCA, me Drejtorin e Përgjithshëm të Migracionit në Home Office, si dhe me autoritete të larta të agjencive homologe ligjzbatuese të Metropolitan Police, Antiterrorit Britanik dhe Border Force.

LEXONI GJITHASHTU

• Operacioni ‘Plumbi i artë’, lihet në qeli ish-oficeri Palushi
• Një oficer policie mes të arrestuarve në superoperacionin e SPAK