Fluksi i lartë lëvizjeje në Kakavijë, pala greke punon me sportele të reduktuara

Në pikën kufitar të Kakavijes gjatë kësaj fundjave është regjistruar një fluks i lartë lëvizjeje. Fluksi i lartë i hyrjeve në Shqipëri këtë javë të parë të gushtit, është rritur ndjeshëm teksa emigrantët shqiptarët kthehen në vendlindje.

Sipas Policisë Kufitare në  Gjirokastër, gjatë 24 orëve të fundit shërbimet e PPK Kakavijë kanë  përpunuar 9991 shtetas në hyrje – dalje, nga të cilët 6436 në hyrje dhe  3555 në dalje,  si dhe 3179 mjete në hyrje – dalje, nga të cilat 1984  në hyrje dhe 1195 në dalje.

Gjatë ditës së shtunë Policia Kufitare në Kakavije ka punuar me ritme të përshpejtuara duke evituar radhët e pritjes në sportelet e dokumentave. Pala greke po punon me sportele të reduktuara duke bërë që në tokën greke të regjistrohen radhë pritje në kufi.

LEXONI GJITHASHTU:

• Qafë-Thana rekord kalimesh, në 15 ditët e fundit kanë hyrë rreth 80 mijë qytetarë
• Fluks i lartë qytetarësh në pikën e kalimit kufitar të Qafë Thanës