I zhdukur prej 5 muajsh, FNSH zbarkon në shtëpinë e Ervis Martinajt

Një grup punonjësish të Forcave të Ndërhyrjes së Shpejtë dhe forcave RENEA kanë zbarkuar në banesën e Ervis Martinajt në Fushe Kuqe të Kurbinit për të kryer kontrolle.

Kontrollet në banesën e Martinajt bëhen në kuadër të hetimeve për zhdukjen e tij.

9 gushti është dita kur familjarët e Ervis Martinajt humbën kontaktet me të afërmin e tyre. Prej orës 20:00 të asaj dite, ata nuk kanë kontaktuar me Martinajn edhe nëpërmjet personave të tretë.

Një ditë më pas, familjarët denoncuan zhdukjen në komisariatin e Kurbinit dhe janë të frikësuar se diçka e keqe mund t’i ketë ndodhur, çka ngre dyshime se ai mund të jetë vrarë.

Prokuroria e Kurbinit e ka regjistruar çështjen vetëm për akuzën e rrëmbimit.

LEXONI GJITHASHTU:

• Çfarë po ndodh me Ervis Martinajn? Gazetarja Daci tregon detajet
• ‘E njoh Ervis Martinajn’, Prençi: Si filloi përplasja mes tij dhe politikës