Forca evropiane mbërrijnë në Groenlandë pas mosmarrëveshjes me SHBA-në

Personeli ushtarak nga Franca, Suedia, Gjermania dhe Norvegjia ka filluar të mbërrijë në Groenlandë, disa orë pas një takimi në Uashington midis zyrtarëve amerikanë, danezë dhe të ishullit, që dështoi të zgjidhte një “mosmarrëveshje themelore”, sipas ministrit të jashtëm danez.

Misioni evropian, i përqendruar në zbulim në kryeqytetin Nuuk, ka për qëllim të shqyrtojë mundësitë për të forcuar sigurinë e ishullit përballë kërcënimeve ruse dhe kineze. Një ekip prej 13 ushtarakësh gjermanë do të vendoset atje me ftesë të Danimarkës.

Presidenti francez Emmanuel Macron njoftoi se vendi i tij do të dërgojë më shumë forca tokësore, ajrore dhe detare për t’u bashkuar me stërvitjen. Ndërkohë, Holanda dhe Estonia konfirmuan pjesëmarrjen, duke theksuar rëndësinë strategjike të sigurisë në Groenlandë për aleatët e NATO-s.