Shtabi i Përgjithshëm i Forcave të Armatosura të Ukrainës pretendon se trupat ruse po vjedhin rezervat e grurit, ndërsa luftimet e ashpra vazhdojnë në rajonet lindore dhe jugore të vendit.

“Pushtuesit rusë po grabisin fshatarët. Mbi 60 tonë grurë u vodhën nga kooperativa bujqësore në qytetin Kamianka-Dniprovska”, deklaroi Shtabi i Përgjthshëm.

Kryebashkiaku i qytetit jugor të Melitopolit Ivan Fedorov foli gjithashtu për vjedhjen e rezervave të grurit, shkruan CNN.

“Dje publikuam një video të një kolone prej më shumë se 50 mjetesh me rimorkio që po transportonin drithëra nga territoret tona dhe nuk e dimë se ku e dërguan”, u shpreh ai.

Zona përreth Melitopol prodhon kultura të konsiderueshme të drithërave.

Ndërsa, gjatë takimit që pati me Sekretarin e Përgjithshëm të OKB-së në Kiev, Zelenski bëri thirrje për ndalimin e luftës, pasi sipas tij rrezikohej siguria ushqimore në botë.

LEXONI GJITHASHTU

• Guterres takon Zelenskin: Të mundësojmë korridoret humanitare
• Kryebashkiaku i Kievit thirrje Perëndimit për më shumë armë