Forumi i Bledit në Slloveni, Rama dhe Kurti do të marrin pjesë më 28 dhe 29 gusht

Më 28 dhe 29 gusht do të mbahet në Slloveni konferenca ndërkombëtare e Forumit strategjik të Bledit, e cila është konferenca në Evropën Qendrore dhe Juglindore.

Në këtë konferencë dyditore do të marrë pjesë nga Shqipëria kryeministri Edi Rama, ndërsa nga Kosova do të jetë kryeministri Albin Kurti.

Pjesëmarrja e të dy kryeministrave në këtë forum do të jetë edhe përballja e parë mes Ramës dhe Kurtit pas debateve në distancë gjatë muajve të fundit, që pas anulimit të mbledhjes së dy qeverisë më 14 qershor në Gjakovë.

Nga rajoni, do të marrë pjesë po ashtu kryeministri në detyrë i Malit të Zi, Dritan Abazoviç dhe ministri i Jashtëm i Maqedonisë së Veriut, Bujar Osmani.

Pjesë e kësaj konference do të jenë edhe i dërguari special i BE për dialogun Kosovë-Serbi, Miroslav Lajçak dhe presidenti i Këshillit Europian, Charles Michel

Konferenca është një mbledhje e pjesëmarrësve nga fusha të ndryshme duke shkëmbyer pikëpamje dhe ide për të adresuar sfidat e tanishme dhe sfidat e së ardhmes.

LEXONI GJITHASHTU:

• Rama: Me Melonin shkëmbyem ide, ka shumë për t’u bërë mes Shqipërisë dhe Italisë
• Kurti dhe Vuçiç në Athinë, mediat greke: Mesazhi i qartë që Mitsotakis i dha Ramës