Erion Braçe ka publikuar një foto të një zonje të moshuar e cila është dhunuar në shtëpinë e saj në Divjakë tre ditë më parë.

Disa hajdutë kanë hyrë në banesë për të vjedhur dhe e kanë rrahur barbarisht, ndërsa 82-vjeçarja iu ka rezistuar e vetme.

Policia në Divjakë, siç bëri me dije dhe Braçe, ka kryer të gjitha veprimet e nevojshme për të arrestuar dhunuesit. Mbrëmjen e së dielës, autorët janë vënë në pranga dhe janë gjetur  të gjitha materialet e vjedhura.

Ndërsa falënderoi policinë, Braçe bëri me dije se grabitësit janë nga i njëjti fshat, pra fqinj. Ata e njohin nënë Kalemen, e dinin që ajo jeton e vetme dhe sidoqoftë e dhunuan për ta lënë në gjendje të mjerueshme.

“Mezi pres që fshati të reflektojë ndaj një barbarie të tillë,” – shkroi Braçe.