FOTO/ Grabitja në Muzeun e Luvrit, bizhuteritë që vodhën autorët në 7 minuta

Një grabitje spektakolare u regjistrua këtë të dielë në Muzeun e Luvrit, në zemër të Parisit ku autorët vodhën brenda shtatë minutash bizhuteri nga koleksioni i Napoleonit dhe Perandoreshës Eugenie.

Autorët e krimit  dyshohet se ishin katër. Dy prej tyre ishin të veshur me jelekë të verdhë dhe hiqeshin si punëtorë.  Ministria Franceze e Kulturës ka publikuar një listë të bizhuterive të vjedhura nga hajdutët në shtatë minuta. Ato janë si më poshtë:

1. Diadema nga seti i bizhuterive të Mbretëreshës Maria Amalia dhe Mbretëreshës Hortense

2. Gjerdani nga seti i safirëve të Mbretëreshës Maria Amalia dhe Mbretëreshës Hortense:

3. Vathë nga seti me safirë i Mbretëreshës Maria Amalia dhe Mbretëreshës Hortense:

4. Gjerdani me smerald nga seti i bizhuterive të Perandoreshës Maria Louise:

5. Një palë vathë me ngjyrë smeraldi nga seti i bizhuterive të Maria Louise:

6. Broshë e njohur si broshë relikere

7. Tiara e Perandoreshës Eugenia

8. Broshë me hark e Perandoreshës Eugenia

Kjo broshë e veçantë me hark ka 2,634 diamante dhe u ble nga Muzeu i Luvrit për 6.72 milionë euro. Përpara blerjes së saj në vitin 2008, ajo ishte në një koleksion privat në Shtetet e Bashkuara.

Sipas Ministrit të Brendshëm francez, Laurent Nunez, autorët e krimit kishin një plan shumë të mirëorganizuar, të cilin e ekzekutuan vetëm në 7 minuta.