FOTO/ Ky është Marselo Arani, një nga të dyshuarit për ekzekutimin e Mondi Mëhallës
Personi në foto është Marselo Arani, i dyshuar si një nga autorët e atentatit ndaj biznesmenit Mondi Mëhalla.
32-vjeçari nga Elbasani ishte në arrest shtëpie, ndërkohë që në muajin qershor Prokuroria e Elbasanit i sekuestroi 14 pasuri në pronësi të tij.
Arani akuzohet se bashkë me 35-vjeçarin Armando Kola, banues në Laç, kanë ekzekutuar biznesmenin 43-vjeçar në Elbasan.
Biznesmeni u ekzekutua mbrëmjen e së dielës, në makinën e tij ndërkohë, policia e Elbasanit ka vënë në pranga Xhino Ago (ish-ortak me viktimën) dhe Kujtim Pishën (rojen e karburantit në pronësi të Mëhallës).
Kush është Marselo Arani
Më 4 dhjetor 2024, ai u arrestua nën akuzën për pastrim parash, ndërsa iu sekuestruan pasuri me vlerë 136 mijë euro. Ndaj tij, Gjykata e Elbasanit kishte caktuar më 1 dhjetor 2024 masën e sigurisë “arrest në burg” për veprën penale “Pastrimi i produkteve të veprës penale ose veprimtarisë kriminale”.
Gjithashtu, u sekuestruan 1 apartament në Durrës dhe 3 automjete, me vlerë rreth 136 000 euro, të cilat dyshohet se kanë burimin nga veprimtaritë kriminale të 32-vjeçarit.
I riu ka qenë i arrestuar më parë në Itali për pjesëmarrje në organizatë kriminale për shfrytëzim prostitucioni.
“Si rezultat i operacionit ‘Resource’, në bashkëpunim me shërbimet e Forcës së Posaçme Operacionale, u kap dhe u ndalua shtetasi M. A., 31 vjeç, banues në Elbasan, të cilit Gjykata e Shkallës së Parë e Juridiksionit të Përgjithshëm Elbasan, me vendimin e datës 01.12.2024, i ka caktuar masën e sigurisë ‘arrest në burg’, për veprën penale ‘Pastrimi i produkteve të vepres penale ose veprimtarisë kriminale. Gjithashtu, u bë sekuestrimi i pasurive me vlerë rreth 136 000 euro (1 apartament në Durrës dhe 3 automjete), të cilat dyshohet se e kanë burimin nga veprimtaritë kriminale të këtij shtetasi. 31-vjeçari ka qenë i arrestuar më parë në Itali, për pjesëmarrje në organizatë kriminale për shfrytëzim prostitucioni”, informoi policia në atë kohë.
LEXONI GJITHASHTU:
Kryefaqja
Një i paraburgosur mbërrin pa shenja jete në spitalin e Vlorës
Nis të zbatohet amnistia penale për 1300 të burgosur, lirohen 541 të parët
E rëndë në Vlorë, makina e Policisë Bashkiake përplas një fëmijë
- 22:28 Një i paraburgosur mbërrin pa shenja jete në spitalin e Vlorës
- 22:26 Anthony Gordon shënon ndaj Argjentinës, Anglia kalon në avantazh në gjysmëfinalen e Kupës së Botës
- 22:08 “Pres më shumë nga Shqipëria”, Ministri Sveçla i ashpër me Tiranën zyrtare për qëndrimin ndaj
- 22:07 “Do bënte spastrim etnik në Kosovë”, Sveçla: Daçiç dhe Vuçiç pasardhës të Millosheviçit
- 21:56 Debati Gjiknuri-Manja në Komisionin e Ligjeve, Klosi komenton në Euronews Albania nëse ka një “krisje” në PS
- 21:53 Ish-presidenti Biden, libër biografik pas zgjedhjeve të mesmandatit